شانەی ڕاگەیاندنی ئەمنیی عێراق: تیرۆریستێکمان لە هەولێر دەستگیر کرد

ئاڤا نیوز

شانەی ڕاگەیاندنی ئەمنیی عێراق ڕایگەیاند، بە هەماهەنگی لەگەڵ دەزگا ئەمنییەکانی هەرێمی کوردستان توانیویانە تیرۆریستێک لە هەولێر دەستگیر بکەن.

ڕاگەیێنراوی فەرمی: شانەی ڕاگەیاندنی ئەمنیی عێراق لە ڕاگەیێنراوێکدا ڕایگەیاند: زانیاریی ورد و دروستیان لەسەر بوونی تیرۆرستێک لە هەولێر بەدەستگەیشتووە و هێزەکانی بەڕێوەبەرایەتی هەواڵگری بە هەماهەنگی لەگەڵ ئاسایشی هەولێر تیرۆریستەکەیان دەستگیرکردووە.

زانیاریی زیاتر: ئەو تیرۆرستە داواکراو بوو و بەپێی ماددەی چواری تیرۆر دەستگیرکراوە و ڕێکاری یاسایی لەبەرامبەر گیراوەتەبەر، ڕادەستی لایەنی پەیوەندیدار کراوە.

باکگراوند: ڕۆژی 17ـی ئەم مانگە دەزگای ئاسایشی هەرێمی کوردستان دەستگیرکردنی گەورە تیرۆرستێکی ڕاگەیاند، كە کەسێکی نزیک و باوەڕپێکراوی خەلیفەی داعش بووە و چەندین پلەی ئەمیریی هەبووە.