لە 46%ـی کارەبای عێراق بەفیڕۆ دەچێت

ئاڤا نیوز

 

لە 46%ـی کارەبای نیشتمانیی لە عێراق بەفیڕۆ دەچێت، پسپۆرانی ئەو بوارەش دانانی پێوەری دیجیتاڵی بە چارەسەر دەزانن و داوا دەکەن چاودێری زیاتر بکرێت بۆ بڕینی ئەو سەرپێچیانەی کراوەتە سەر کارەبا.

 

بۆچی گرنگە: لە هەرێمی کوردستان کار بە سیستمی پێوەری زیرەک دەکرێت، یەکێک لە خاڵە ئەرێنییەکانی ئەو پرۆژەیە نەهێشتنی سەرپێچییە، بە پێچەوانەی عێراق، هەرێمی کوردستان هاوکار بووە لە گەڕانەوەی نزیکەی 40%ـی کارەبای بەفیڕۆچوو.

 

لێدوانی فەرمی: ئەحمەد موسا، گوتەبێژی وەزارەتی کارەبای عێراق ڕایگەیاند: "46٪ـی کارەبای نیشتمانیی لە عێراق بەهۆی ناڕێکی لە ڕاکێشانی کارەبا لەلایەن قوتابخانە تایبەتەکان،نەخۆشخانە و مۆڵەکان بەفیڕۆ دەچێت".

 

ئەوەی لەوبارەیەوە دەگوترێت: عەبدولڕەزاق سوڵتانی، سەرۆکی ڕێکخراوی ڕاسد بۆ پشتیوانی دەستپاکی ڕایگەیاند: " نزیکەی 20%ـی عێراقییەکان سەرپێچیان لە ڕاکێشانی کارەبا لە پشتی پێوەرەکانەوە کردووە بە هاوکاری هەندێک کرێکاری شارەزا".

 

چارەسەرەکان: بەڕای سوڵتانیی "دانانی پێوەرە دیجیتاڵییەکان ڕێگر دەبێت لەو بەفیرۆچوونە، هاوکات چاودێرییەکان توندتر بکرێن، چونکە سستی و گەندەڵی بەشێکی زۆری فەرمانبەرانی وەزارەتی کارەبای گرتووەتەوە.