سەرۆکوەزیرانی عێراق بۆ مووچەی فەرمانبەرانی هەرێمی كوردستان لە كۆبوونەوەدایە

ئاڤا نیوز

 

سەرۆکی ئەنجوومەنی وەزیرانی عێراق، لە کۆبوونەوەدایە بۆ بەدواداچوونی ئەو ڕێکارانەی بۆ تەوتینکردنی مووچەی مووچەخۆرانی هەرێمی کوردستان گیراونەتە بەر.

 

ڕاگەیێنراوی فەرمی: نووسینگەی محەممەد شیاع سوودانی، سەرۆکوەزیرانی عێراق بڵاوی کردەوە، ئەمڕۆ دووشەممە سوودانی سەرۆکایەتیی کۆبوونەوەی ئەنجوومەنی وەزیرانی کردووە بە مەبەستی بەدواداچوون بۆ تەوتینکردنی مووچەی مووچەخۆرانی هەرێمی کوردستان.

 

لەلایەکی دیکەوە: هەر ئەمڕۆ سەرۆكوەزیران بارزانی لە کاتی کردنەوەی پردی دەربەندی ڕانیە، گوتارێکی پێشکەش کرد و لەبارەی مووچەوە ڕایگەیاند: "هەموو كارێك دەكەین بۆ چارەسەركردنی كێشەی مووچەخۆران". 

 

ئەوەی پێویستە بیزانیت: ئەمڕۆ وەزارەتی دارایی هەرێمی كوردستان بەشێك لە داهاتی ناوخۆی مانگی شوباتی بە بڕی 85 ملیار و 199 ملیۆن و 634 هەزار دینار خستە سەر هەژماری بانکیی وەزارەتی دارایی عێراق.