16 مۆڵەتی  پڕۆژەی وەبەرهێنان لە سۆران دراون

ئاڤا نیوز

 

لە ئیدارەی سەربەخۆی سۆران 16 مۆڵەتی وەبەرهێنان بۆ چەندین پڕۆژە دراون و هەشت پڕۆژەیان لە ماوەی کابینەی نۆیەم بووە.

 

وێنە گەورەکە: ئەمڕۆ سێشەممە، 28 - 05 - 2024 سەرۆکوەزیران بارزانی لە سۆرانە و بەردی بناغەی چوار پڕۆژەی گەورە بە گوژمەی 140 ملیار دینار دادەنێت و پڕۆژەیەکی گەشتیاریش دەکاتەوە.

 

لێدوانی فەرمی: بەرگەشت ئاکرەیی، گوتەبێژی دەستەی وەبەرهێنانی هەرێمی کوردستان بە ئاڤا نیوزی گوت، "ڕووبەری ئەو 16 پڕۆژەیە هەزار و 71 دۆنمە، 884 هەلی کاریشی بۆ  گەنجان ڕەخساندووە."

 

ئەوەی پێویستە بیزانیت: لەو ژمارە پڕۆژەیە حەوت پڕۆژەی گەشتیاریی، سێ پڕۆژەی نیشتەجێبوون، سێ پڕۆژەی پیشەسازی، یەک پڕۆژەی بازرگانی، یەک پڕۆژەی پیشەسازی و یەک پڕۆژەی پەروەردەیین، گوژمەکەیان 282 ملیۆن و 218 هەزار و 714 دینارە.