540 ناوچەی گەشتیاری لە سنووری ئیدارەی سۆران هەن

ئاڤا نیوز 

 

ساڵانە زیاتر لە یەک ملیۆن گەشتیار سەردانی 540 ناوچەی گەشتیاریی ئیدارەی سەربەخۆی سۆران دەکەن.

 

وێنە گەورەکە: ئیدارەی سەربەخۆی سۆران دەوڵەمەندە بە ژمارەیەکی زۆر ناوچەی گەشتیاری، 35% ـی ناوچە گەشتیارییەكانی هەرێمی كوردستان پێكدەهێنن، ساڵانە ملیۆنان گەشتیار لە باوەش دەگرن، ئەمڕۆش سەرۆکوەزیران بارزانی پڕۆژەیەکی گەشتیاری لە سنوورەکە دەکاتەوە. 

 

ژمارەکان وادەڵێن: ساڵی ڕابردوو یەک ملیۆن و نیو گەشتیار سەردانی ناوچە گەشتیارییەکانی ئیدارەی سەربەخۆی سۆرانیان کردووە، لە ماوەی شەش مانگی سەرەتای ئەمساڵ یەک ملیۆن گەشتیار تۆمارکراون.

 

لێدوانی فەرمی: "لە ئایندەیەکی نزیک 12 ماستەر پلانی کورتخایەن لە سنوورەکە جێبەجێ دەکرێن، کە گرنگترینیان شاری شووشەییە لەسەر خەرەندی ڕواندز، لە ماوەی 5 ساڵدا بە گوژمەی 37 ملیار دینار تەواو دەبێت".

ستار قازی، بەڕێوەبەری بەشی ئەندازەیی لە بەڕێوەبەرایەتی گشتیی گەشت و گوزاری سۆران وای بە ئاڤا نیوز گوت.

 

زانیاریی زیاتر: شاری شووشەیی ڕووبەرەکەی 375 مەتر دووجایە، لە نێوان ڕواندز و بناری چیای هەندرێن دەبێت.