قەبارەی بازرگانیی عێراق و چین بۆ دوو هێندە زیاد دەکات

ئاڤا نیوز

وڵاتی عێراق و چین پەیوەندییەکی فرەچەشنیان هەیە، بەتایبەتی لە بواری ئابووری و بازرگانی کە لەماوەی دوو ساڵدا قەبارەی بازرگانیی نێوانیان بە ڕێژەی 50% زیادی کردووە.

 

ڕاگەیێنراوی فەرمی: "قەبارەی ئاڵوگۆڕی بازرگانیی نێوان عێراق و چین زیاتر بووە لە 50 ملیار دۆلار لە دوو ساڵی ڕابردوودا و بە ڕێژەی 50% زیادی کردووە و پێشڤەچوونێکی بەرچاوی هاوکاریی نێوان هەردوو وڵات لە بواری نەوت و غاز و وزەی نوێبووە تۆمار کراوە". هیشام ئەلعەلەوی، بریکاری وەزیری دەرەوە بۆ کاروباری پلاندانانی سیاسی وای گوت.

 

لەلایەکی دیکەوە: تسۆی وی، باڵیۆزی چین لە عێراق ڕایگەیاند، "دەمانەوێت پەیوەندییەکانی خۆمان لەگەڵ وڵاتی عێراق پەرە پێ بدەین و هەردوو ڕێگەی گەشەپێدان و ئاوریشم لە بەرژەوەندیی عێراق و چیندایە". 

 

ئەوەی پێشبینی دەکرێت: لە ساڵانی ئایندە، بە تایبەتی دوای بەکارخستنی ڕێگەی گەشەپێدان، قەبارەی بازرگانیی نێوان عێراق و چین بۆ زیاتر لە 55ملیار دۆلار بەرز دەبێتەوە.