ژمارەیەک هاونیشتمانیی کورد لە سعودیە دەستگیر دەکرێن

ئاڤا نیوز

 

بەهۆی ئەوەی ڤیزای حەجیان وەرنەگرتووە، ژمارەیەک حاجی کورد کە نزیکەی 10 کەس دەبن لە شاری جەددە دەستگیرکران.

 

وێنە گەورەکە: پۆلیسی سعودیە هەڵمەتی دەستگیرکردنی ئەو کەسانەی دەستپێکردووە کە بە ڤیزای حەج سەردانی وڵاتەکەیان نەکردووە و بە ڤیزای ساڵی دەیانەوێت فەریزەی حەج بەجێ بگەیێنن.

 

زانیاریی بەدەستهاتوو: پۆلیس سەرجەم هوتێل و شوێنی حەوانەوەکان دەپشکنێت بەدواداچوون بۆ ڤیزای ئەو کەسانە دەکات کە بەمەبەستی بەجێگەیاندنی فەریزەی حەج گەشتی وڵاتەکەیان کردووە، بەوهۆیەوەش ژمارەیەک کەس دەستگیرکراون کە ڤیزاکەیان تایبەت نەبووە بە حەج بەڵکو بە ڤیزای ساڵانە ویستوویان حەج بکەن.

 

ئەوەی پێویستە بیزانیت: دوێنی دووشەممە، 27 - 05 - 2024، یەکەم کاروانی حاجییانی هەرێمی کوردستان بەرەو مەککە بەڕێکەوتن، ئەمساڵ چوار هەزار و 685 حاجیی هەرێمی كوردستان بە ڕێگەی فەرمی بۆ بەجێ گەیاندنی فەریزەی حەج گەشت بۆ سعوودیە دەكەن.