کۆمیسیۆن ڕێکارەکانی دیاریکردنی وادەیەکی نوێ بۆ هەڵبژاردن دەستپێدەکات

ئاڤا نیوز

 

گوتەبێژی کۆمیسیۆنی هەڵبژاردنەکانی عێراق ئاماژە بەوەدەدات، ئەنجوومەنی کۆمیسیاران نووسراوێکی بۆ سەرۆکایەتیی هەرێمی کوردستان ناردووە سەبارەت بە دیاریکردنی وادەیەکی نوێ بۆ هەڵبژاردن.

 

وێنە گەورەکە: کۆمیسیۆن ئامادەسازییەکانی بۆ سەرپەرشتیی هەڵبژاردن چڕکردووەتەوە و چاوەڕێی هەرێمی کوردستان دەکات بۆ دیاریکردنی وادەیەکی نوێ بۆ بەڕێوەچوونی هەڵبژاردنی پەرلەمانی کوردستان.

 

لێدوانی فەرمی: جومانە غەلای، گوتەبێژی کۆمیسیۆنی هەڵبژاردنەکانی عێراق  بە ئاڤا نیوزی گوت: "ئەمڕۆ ئەنجوومەنی کۆمیسیاران نووسراوێک بۆ سەرۆکایەتیی هەرێمی کوردستان دەنێرێت بە مەبەستی ئامادەیی بۆ سەرپەرشتیکردنی هەڵبژاردنی پەرلەمانی کوردستان و دیاریکردنی وادەیەکی نوێ".

 

ئەوەی پێویستە بیزانیت: خشتەی ئامادەسازییەکانی کۆمیسیۆن ئامادەیە، بە گوتەی خۆیان دەتوانن لە مانگی 10ـی ئەمساڵ سەرپەرشتیی هەڵبژاردن بکەن.