بڕیاری گەڕانەوەی زەویی ناوچەکانی دەرەوەی ئیدارەی هەرێمی کوردستان جێبەجێ دەکرێت

ئاڤا نیوز

 

ئەندامێکی شاندی هەرێمی کوردستان بۆ چارەسەری زەویی ناوچەکانی دەرەوەی ئیدارەی هەرێمی کوردستان ئاماژە بەوە دەدات، لە بەغدا بەڵێنی جێبەجێکردنی بڕیاری گەڕانەوەی زەوی بۆ خاوەنە ڕەسەنەکانیان دراوە.

 

وێنە گەورەکە: ساڵانە لە وەرزی دروێنە، ڕێگری لە جووتیارانی ناوچەکانی دەرەوەی ئیدارەی هەرێمی کوردستان دەکرێت لە دروێنەکردنی بەرهەمەکانیان.

 

لێدوانی فەرمی: سامی جەلال، ڕاوێژکاری وەزارەتی ناوخۆ و ئەندامی شاندەکە بە ئاڤا نیوزی گوت، "وەزیرانی داد و کشتوکاڵ بەڵێنی جێبەجێکردنی ئەو بڕیارەیان داوە، ئەگەر بڕیارەکە جێبەجێ نەکرێت پرسەکە دەبرێتە ئەنجوومەنی نوێنەران".

 

لەلایەکی دیکەوە: لە کاتێکدایە بڕیارەکە دراوە، بەڵام بڕیارەکە لەلایەن ئیدارەی کەرکووک و ناوچەکانی دیکەوە جێبەجێ ناکرێت. 

 

ئەوەی پێویستە بیزانیت:  ئەمڕۆ چوارشەممە 29-05-2024، لە کۆبوونەوەی ئەنجوومەنی وەزیران هەڵوەستە لەسەر ڕاپۆرتی ئەو شاندەی هەرێمی کوردستان سەبارەت بە چارەسەری زەویی ناوچەکانی دەرەوەی ئیدارەی هەرێمی کوردستان دەکرێت.