یاسای پشووە فەرمییەکان دەکەوێتە بواری جێبەجێکردنەوە

ئاڤا نیوز  

دوای واژۆکردنی یاسای پشووە فەرمییەکان لەلایەن سەرۆککۆماری عێراقەوە، ئەمڕۆ دەقی یاساکە لە ڕۆژنامەی وەقائیعی عێراقی بڵاوکرایەوەو بەمەش لەئەمڕۆوە یاساکە دەچێتە بواری جێبەجێکردنەوە.

وێنە گەورەکە: ڕۆژی 22-5-2024، پەرلەمانی عێراق دەنگی لەسەر یاسای پشووە فەرمییەکاندا و جگە لە پشووی ڕۆژانی هەینی و شەممە، 11 ڕۆژی دیکەی وەک پشووی فەرمی لە سەرتاسەری وڵات ناساند، لەنێویاندا یادی کیمیابارانی هەڵەبجە و ڕۆژی "غەدیر".

بڵاوکراوەی فەرمی: ئەمڕۆ چوارشەممە، دەقی یاسای پشووە فەرمییەكان لە ڕۆژنامەی وەقائیعی عێراقی بڵاوکرایەوە.

زانیاریی زیاتر: لەسەر داوای موقتەدا سەدر داواکرابوو بە فەرمی لە پەرلەمان، ڕۆژی غەدیر لە چوارچێوەی پڕۆژەیاسای پشووە فەرمییەکانی عێراقدا بکرێتە پشووی فەرمی. 

ئەوەی پێویستە بیزانیت: لەکاتی دەنگدان بە پڕۆژە یاسایەکە لەسەر داوای فراکسیۆنە کوردستانییەکان ڕۆژی 16-3 وەک یادی کیمیا بارانکردنی هەڵەبجە و ئەنفال وەک پشوو لە سەرانسەری عێراق زیادکرا و ناوی جەژنی "شەجەرە"، گۆڕدرا بۆ جەژنی نەورۆز.

وێنەی نووسراوەکە