ناوەندی فەلەكناسیی نێودەوڵەتی یەكەم ڕۆژی جەژنی قوربان دیاری دەکات

ئاڤا نیوز

ناوەندی فەلەكناسیی نێودەوڵەتیی ڕایگەیاند، 16ی حوزەیران یاخود 17ی حوزەیران دەبێتە یەکەم ڕۆژی جەژنی قوربان.

وێنە گەورەکە: 27ی ئایار یەکەم کاروانی حاجیان بەرەو سعوودیە بەرێ کەوت، لە پێنجی حوزەیراندا کۆتاکاروانی حاجییانی هەرێمی کوردستان بەرەو سعوودیە بەرێ دەکەوێت، ناوەندیی فەلەكناسیی نێودەوڵەتی 16 یاخود 17ی حوزەیران بە یەکەم ڕۆژی جەژنی قوربان دیاری دەکات.

ڕاگەیێنراوی فەرمی: ناوەندیی فەلەكناسیی نێودەوڵەتی ڕایگەیاند: تا ئێستا بۆچوونی جیاواز لەسەر دیاریكردنی یەكەم رۆژی جەژنی قوربان لەنێوان وڵاتانی ئیسلامیدا هەیە، بەڵام یەکەم ڕۆژی جەژنی قوربان لە نێوان ڕۆژی یەکشەممە 16ی حوزەیران یاخود دووشەممە 17ی حوزەیران دەبێت.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف بە ئاڤا نیوزی ڕاگەیاند: تاوەکو ئێستا یەکەم ڕۆژی جەژنی قوربان دیاری نەکراوە، بریارە 5-6-2024 لیژنەی باڵای بینینی مانگ کۆ ببێتەوە بۆ دیاریکردنی یەکەم ڕۆژی جەژنی قوربان.