سەرۆکوەزیران بارزانی گەیشتە بەغدا؛ پرسی مووچە و هەناردەی نەوت تاوتوێ دەکات

ئاڤا نیوز

 

بەیانیی ئەمڕۆ سەرۆکوەزیران بارزانی لەگەڵ شاندێکی یاوەری، گەیشتە فڕۆکەخانەی بەغدا و بڕیارە لەگەڵ سەرۆکوەزیرانی عێراق کۆببێتەوە، دواتر چەندین سەرکردەی سیاسیی شیعە و سوننە ببینێت.

 

بۆچی گرنگە: سەرۆکوەزیران بارزانی لە کارنامەی کابینەکەیدا ئاماژەی بە گرنگی پەیوەندییەکانی هەرێمی کوردستان و عێراق کردووە کە "دانوستان بنەمای چارەسەری کێشەکانە بۆ بەدەستهێنانی مافە دەستورییەکانی گەلی کوردستان".

 

ڕاگەیێنراوی فەرمی: سەرۆکوەزیران بارزانی بۆ کۆبوونەوە لەگەڵ محەمەد شیاع سوودانی سەرۆکوەزیران و بەرپرسانی دیکەی حکومەتی فیدراڵ و سەرکردە و بەرپرسانی لایەنە سیاسییەکانی عێراق گەیشتە بەغدا. 

زانیاریی زیاتر: لە کۆبوونەوەکاندا، جیا لە تاوتوێکردنی دوایین گۆڕانکاری و پێشهاتەکانی دۆخی سیاسی و ئەمنیی عێراق ، گفتوگۆ لەبارەی پێویستی چارەسەرکردنی کێشەکانی نێوان هەرێمی کوردستان و حکومەتی فیدراڵ لە سەر بنەمای دەستوور، بەتایبەتی دابینکردنی مووچە و ماف و شایستە داراییەکانی خەڵکی کوردستان دەکرێت.  

 

لەلایەکی دیکەوە: هەروەها برەودان بە هاریکاری و هاوئاهەنگیی نێوان هەردوولا لە پێناو پاراستنی ئاسایش و سەقامگیریی عێراق و هەرێمی کوردستان.