هادی عامری: کێشەی مووچەخۆرانی هەرێمی کوردستان چارەسەر دەکرێت

ئاڤا نیوز

سەرۆكوەزیران بارزانی لەگەڵ هادی عامری سەرۆکی ڕێکخراوی بەدر کۆبووەوە، هادی عامری دوای كۆبوونەوەكە ڕایگەیاند " گفتوگۆ لەسەر چارەسەری کێشەکان نێوان هەولێر و بەغدا کراوە".

وێنە گەورەکە: سەرۆکوەزیران بارزانی، لە بەغدایە دوای کۆبوونەوەی لەگەڵ قاسم ئەعرەجی و سوودانی، لەگەڵ هادی عامری سەرۆکی ڕێکخراوی بەدر کۆبووەوە.

لێدوانی فەرمی: هادی عامری، سەرۆکی ڕێکخراوی بەدر ڕایگەیاند: "دادگەی فیدڕاڵی هەردوو حکومەتی پابەند کردووە بە دابینکردنی مووچەی مووچەخۆرانی هەرێمی کوردستان، ئێستا تەنیا  یەک کێشەی تەکنیکی هەیە ئەو کێشەیەش چارەسەر دەکرێت بەربەست لەبەردەم مووچەی مووچەخۆران نامێنێت".

زانیاریی زیاتر: هیوادارین سەردانەکانی سەرۆکوەزیران بارزانی بۆ بەغدا بەردەوام بن لە پێناو هەماهەنگی و لێکتێگەیشتنی زیاتر. سەرۆکی ڕێکخراوی بەدر وای گوت.