وەزارەتی کارەبا: بەرهەمهێنانی کارەبا زیاد دەکرێت

ئاڤا نیوز

وەزارەتی کارەبای حکومەتی هەرێمی کوردستان ڕایگەیاند، بۆ وەرزی هاوین بەرهەمهێنانی کارەبا زیاد دەکرێت و دەبێت دادپەروەری لەدابەشکردنی کارەبا لەنێوان پارێزگاکان هەبێت، بە گووتەی وەزارەتی کارەبا نزیکەی 15 کاتژمێر کارەبای نیشتیمانی هەیە.

ڕاگەیێنراوی فەرمی: وەزارەتی کارەبای حکومەتی هەرێمی کوردستان بڕیاریدا دادپەروەری هەبێت لە دابەشکردنی کارەبا لەنێوان پارێزگاکان.

بۆچی گرنگە:بەمەبەستی زیادکردنی  کارەبا لە وەرزی هاوین، بڕیاردراوە  بەرهەمهێنانی کارەبا لە وێستگەکانی بازیان، خەبات، ماس، زیادبکرێت و یەکەیەکی دیکەی وێستگەی کواشی بە گازوایل بەگەڕبخرێت.

ئەوەی پێویستە بیزانیت: وەزارەتی کارەبای ئێستا ڕۆژانە سێ هەزار و 900 مێگاوات بەرهەمدەهێنێت، بەمەبەستی زیادکردنی کارەبا، لە سەرجەم شارەکانی هەرێمی کوردستان کار پرۆژەی پێوەری زیرەک دەکرێت.

زانیاریی بەدەستهاتوو: سەرچاوەیەک لە وەزارەتی کارەبا بە ئاڤا نیوزی گوت: بڕی بەرهەمهێنانی کارەبا دەگاتە چوار هەزار و 100 مێگاوات، ئێستاش نزیکەی 15 کاتژمێر کارەبای نیشتیمانی دەدرێتە هاووڵاتییان.