پەیامێکی نوێی سەرۆکوەزیران بارزانی لەبارەی مووچەخۆران

ئاڤا نیوز

 

 

سەرۆکوەزیران بارزانی پەیامێکی بۆ مووچەخۆران بڵاو کردەوە و داوای لێ کردوون، بەردەوام بن لە تۆمارکردنی خۆیان بۆ وەرگرتنی مووچەکانیان بە شێوازێکی مۆدێرن تاوەکو لە خزمەتگوزارییە بانکییەکان سوودمەند بن.

 

وێنە گەورەكە: تاوەکو ئێستا 400 هەزار مووچەخۆر لە پڕۆژەی "هەژماری من" ناویان تۆمار كردووە و ئێستا بە شێوەیەکی ئەلیكترۆنی و لەڕێگەی ئەیتی ئێمی بانكەكان و لە شوێنە گشتییەكان، مووچەكانیان وەردەگرن. سەرۆكوەزیران بارزانی داواش لە مووچەخۆران دەكات بەردەوام بن لە خۆتۆماركردن لە نێو پڕۆژەی "هەژماری من".

 

ڕاگەیێنراوی فەرمی: سەرۆكوەزیران بارزانی لە تۆڕی كۆمەڵایەتیی ئێكس ڕایگەیاند: هیوادارم مووچەخۆران بەردەوام بن لە تۆمارکردنی خۆیان بۆ وەرگرتنی مووچەکانیان بە شێوازێکی مۆدێرن و سوودمەند بن لە خزمەتگوزارییە بانکییەکان.

 

زانیاریی زیاتر: سەرۆكوەزیران بارزانی نووسیویەتی: "کوردستان و ئابوورییەکەی بەرەو قۆناغێکی نوێ هەنگاو دەنێت".

 

بۆچی گرنگە:  بەئەلیكترۆنیكردنی مووچەی فەرمانبەران یەكێكە لە گرنگترین پایەکانی بونیادنانی ژێرخانێکی ئابووریی بەهێز، هەروەها هەنگاوێکە بۆ كەمكردنەوەی بەكارهێنانی پارەی كاش لە بازاڕدا.