جێگری سەرۆکی یانەی نەورۆز: کەرنەڤاڵەکەی ئاڤا نایاب بوو

ئاڤا نیوز

جێگری سەرۆکی یانەی نەورۆز ئاماژە بەوەدەدات، کەرنەڤاڵەکەی ئاڤا کارێکی نایاب بووە و گرنگە هەر جارە و لە شارێکی کوردستان بکرێت.

وێنە گەورەکە: هەزاران کەس لە سەرجەم شار و شارۆچکەکانی هەرێمی کوردستان لە کەشێکی ئارام دا لە چوارچێوەی کەرنەڤاڵەکەی ئاڤا، لە شەقامی ئیسکانی هەولێر بینەری یاریی فاینەڵی چامپیۆنزلیگ بوون.

لێدوانی فەرمی: هادی کەریم، جێگری سەرۆکی یانەی وەرزشی نەورۆز بە ئاڤا نیوزی گوت:"من هاندەری ڕیاڵ مەدریدم و بە ئەنجامەکە دڵخۆشبووم، بەڵام ئەوەی زیاتر دڵخۆشی کردم ئەو کەرنەڤاڵە و کۆکردنەوەی گەنجان بوو لە لایەن ئاڤا و پێشنیاز دەکەم هەر جارە و لەشارێک ئەم کەرنەڤاڵە بکەن".

باکگراوند: کاتژمێر 10:00ـی شەوی شەممە 01-06-2024 یاریی کۆتایی چامپیۆنزلیگ لەنێوان هەردوو یانەی ڕیال مەدرید و برووسیا دۆرتمۆند بەڕێوەچوو، ڕیال مەدرید بە دوو گۆڵ یارییەکەی بردەوە و بۆ جاری  15 یەم لە مێژوودا نازناوەکەی بەدەستهێنا.