دەنگ لەسەر هەمواری خشتەی بودجە درا

ئاڤا نیوز

 

ئێوارەی ئەمڕۆ ئەنجوومەنی نوێنەرانی عێراق دەنگی لەسەر هەمواری بودجەی ساڵی 2024دا و بەگوێرەی هەموارەکە، مووچەی فەرمانبەرانی هەرێمی کوردستان لەژێر مادەی (ئینفاقی فیعلی) دەرهێنرا.

 

وێنە گەورەکە: دوای هەوڵە بێوچانەکانی حکومەتی هەرێمی کوردستان بۆ چارەسەرکردنی مووچەی فەرمانبەران، حکومەتی عێراق بڕیاری لەسەر هەمواری یاسای بودجە دا.

 

ئەوەی پێویستە بیزانیت: ساڵی ڕابردوو حکومەتی عێراق بە بیانووی ئەوەی مووچەی فەرمانبەرانی هەرێمی کوردستان لە (ئینفاقی فیعلی)ـە دەیگوت ناتوانرێت مووچە ڕەوانە بکرێت، بە هەموارکردنەوەی ئەو یاسایە ئەو بەربەستە بەتەواوی هەڵدەگرێت و بەگوێرەی گوتەی ئەندامانی فراکسیۆنی پارتی لە ئەنجوومەنی نوێنەران، مانگانە مووچەی فەرمانبەران بەبێ دواکەوتن دێت.