دوایین زانیاری لەبارەی مووچەی مانگی پێنجی مووچەخۆرانی هەرێمی کوردستان

ئاڤا نیوز

 

ئەندامێکی لیژنەی دارایی لە ئەنجوومەنی نوێنەرانی عێراق ئاماژە بەوەدەدات، پێویستە بەر لە جەژنی قوربان، بەغدا مووچەی مانگی پێنجی مووچەخۆران بنێرێت.

 

وێنە گەورەکە: کەمتر لە دوو هەفتە ماوە بۆ یەکەم ڕۆژی جەژنی قوربان، هەوڵەکان بۆ ئەوەن کە بەر لەو وادەیە مووچەی مووچەخۆرانی هەرێمی کوردستان بنێردرێت.

 

لێدوانی فەرمی: د. خەلیل دۆسکی، ئەندامی لیژنەی دارایی لە ئەنجوومەنی نوێنەرانی عێراق بە ئاڤا نیوزی گوت، "پێوستە بەر لە جەژن وەزارەتی دارایی عێراق پارە بۆ مووچەی مووچەخۆرانی هەرێمی کوردستان بنیرێت".

 

زانیاریی زیاتر: ناردنی مووچەی مانگی پێنج پەیوەستە بە ناردنی لیستی مووچە لەلایەن وەزارەتی دارایی حکومەتی هەرێمی کوردستان، لەگەڵ گەیشتنی لیستەکە ڕێکارەکانی ناردنی پارە دەستپێدەکەن، د. خەلیل دۆسکی وای گوت.