لە دەریاچەی دووکان دوو ڕاوچی دەستگیرکران

ئاڤا نیوز

دوو ڕاوچی لە دەریاچەی دووکان دەستگیرکران، دەستیش بەسەر کەلوپەلەکانیاندا گیرا.

بۆچی گرنگە: لە سەرەتای مانگی ئادار تاوەکو ناوەڕاستی مانگی حوزەیران لە تەواوی ناوچەکانی هەرێمی کوردستان، ڕاوکردنی ماسی قەدەغەیە. ئەو ماوە دیاریکراوە کاتی دانانی گەرای ماسی و ماوەی زیادبوونی سامانی ماسییە، بۆیە ڕاوکردن قەدەغەکراوە.

ڕاگەیێنراوی فەرمی: بەڕێوەبەرایەتی پۆلیسی دارستان و ژینگەی پارێزگای سلێمانی بڵاویکردەوە: لە لایەن مەفرەزەیەکی بنکەی پۆلیسی دارستان و ژینگەی خدران لە سنووری گوندی بنگردان دوو ڕاوچی دەستگیرکران کە سەرقاڵی ڕاوکردن بوون.

زانیاریی زیاتر: هێزەکان دەستیان بەسەر تۆڕێکی ڕاوە ماسی و  شەش ماسی ڕاوکراودا گرت، ڕێکاری یاساییش بەرامبەر تۆمەتباران گیراوەتەبەر.