دوایین زانیاری لەبارەی مووچەی پێشمەرگە و هێزە ئەمنییەکان

ئاڤا نیوز

 

بەڕێوەبەری گشتی له دیوانی چاودێریی دارایی هەرێمی کوردستان ئاماژە بەوە دەدات، وردبینی بۆ لیستی مووچەی پێشمەرگە و هێزە ئەمنییەکان کراوە و بۆ وەزارەتی دارایی عێراق نێردراوە.

 

وێنە گەورەکە: وەزارەتی دارایی عێراق مووچەی مانگی چواری سەرجەم وەزارەتەکانی ناردووە جگە لە پێشمەرگە و هێزە ئەمنییەکان، بەو هۆیەوە  57 ڕۆژە مووچەیان وەرنەگرتووە.

 

لێدوانی فەرمی: د. محەممەد زراری، بەڕێوەبەری گشتی له دیوانی چاودێریی دارایی هەرێمی کوردستان بە ئاڤا نیوزی گوت، "دیوانی چاودێری عێراق پێیان گوتین، دوێنێ وردبینی لیستەکەیان تەواو کردووە، پەسەند کراوە و بۆ وەزارەتی دارایی عێراق نێردراوە".

 

زانیاریی زیاتر: لە ڕۆژی پێنجشەممە 30-05-2024ـەوە وردبینی بۆ لیستی مووچەی مانگی چواری پێشمەرگە و هێزە ئەمنییەکان لە هەرێمی کوردستان تەواو کراوە و بۆ دیوانی چاودێری عێراق نێردراوە.