کشتوکاڵی دهۆک: ساڵی ڕابردوو 12 هەزار تۆن بەرهەمی کشتوکاڵی هەناردە کراوە

ئاڤا نیوز

 

بەڕێوەبەری کشتوکاڵی دهۆک دەڵێت، بە پشتگیری حکومەت پارێزگای دهۆک لەڕووی کشتوکاڵییەوە بەرەوپێشچوونی باشی بەخۆیەوە بینیوە و ساڵی ڕابردوو 12 هەزار تۆن بەرهەمی کشتوکاڵی هەناردە کراوە.

 

لێدوانی فەرمی: ئەحمەد جەمیل، بەڕێوەبەری گشتیی کشتوکاڵی دهۆک لە بەرنامەی 'ڕابن ژخەوێی ئاڤا بەهدینان'دا گوتی: لەڕووی کشتوکاڵەوە دهۆک بەرەوپێشچوونی بەرچاوی هەبووە و لەسەر ئاستی عێراق لە پلەی یەکەمی بەرهەمهێنانی پەتاتە، ترێ، سێو و پیاز دێت، 33%ـی گەنمی هەرێمی کوردستان بەرهەم دێنێت".

 

گۆشەیەکی دیکەی دیمەنەکە: بەهۆی بوونی ژمارەیەک کۆگەی ساردکەرەوەی گەورە لەسەر ئاستی عێراق، پارێزگای دهۆک زۆرترین بەروبوومی کشتوکاڵی کۆگە دەکات، کە توانای 600 هەزار تۆنی هەیە.

 

ژمارەکان وا دەڵێن: ساڵی ڕابردوو 256 تۆن لە بەرهەمی جووتیارانی دهۆک، ڕەوانەی ناوەڕاست و خوارووی عێراق کراوە و  12 هەزار تۆن بەرهەمیش هەناردە کراون.