ئەنجوومەنی نوێنەرانی عێراق خشتەی بودجەی ڕەوانەی وەزارەتی داد کرد

ئاڤا نیوز

 

ئەنجوومەنی نوێنەرانی عێراق خشتەی پەسندکراوی بودجەی بۆ 2024، کە بڕەکەی زیاترە لە 211  تریلیۆن دینار، ڕەوانەی وەزارەتی داد کرد.

 

ڕاگەیێنراوی فەرمی: ئەنجوومەنی نوێنەرانی عێراق بڵاوی کردەوە، دوای ئەوەی دوێنێ خشتەی بودجەی ساڵی 2024 لە ئەنجوومەنی نوێنەران دەنگی لەسەر درا، ئەمڕۆ بە مەبەستی بڵاوکردنەوەی لە ڕۆژنامەی فەرمیی "وەقائیع" ڕەوانەی وەزارەتی داد کرا.

 

بۆچی گرنگە: پشکی هەرێمی کوردستان لە خشتەی بودجە  20  تریلیۆن و 910 ملیار دینار دیاری کراوە، بە پەسندکردنی ئەو خشتەیە هەرێمی کوردستان جگە لە مووچە، پشکی دیکەی وەک خەرجیی وەبەرهێنان و بەکاربردن، تێچووی بەرهەمهێنانی نەوت و بیمەی کۆمەڵایەتی بۆ دەنێردرێت.