بانکی TBI یەکەم کۆمەڵە کارتی بانکیی فەرمانبەرانی ڕادەستی تیمی هەژماری من کرد

ئاڤا نیوز

 

وەزارەتی دارایی هەرێمی کوردستان ڕایگەیاند، کارتی بانکی 368 فەرمانبەری هەرێمی کوردستان ڕادەستی تیمی هەژماری من کراوە.

 

ڕاگەیێنراوی فەرمی: ئەمڕۆ 4-6-2024 وەزارەتی دارایی بڵاوی کردەوە، لە چوارچێوەی پرۆسەی بەبانکیکردنی مووچەی فەرمانبەران، بانکی بازرگانیی عێراقی (TBI) لەڕێگەی پرۆژەی هەژماری منەوە، 368 کارتی بانکیی فەرمانبەرانی ڕادەست کرد.

 

زانیاریی زیاتر: لە دوو هەفتەی ڕابردوودا، حکومەتی هەرێمی کوردستان زانیاریی ژمارەیەک فەرمانبەری بۆ بانکی ناوبراو نارد، ئێستا چاوەڕوانە کارتە چاپکراوەکانی دیکەشی بۆ ڕەوانە بکرێتەوە.

 

ئەوەی پێویستە بیزانیت: مووچەخۆرانی هەرێمی کوردستان بەردەوامن لە خۆتۆمارکردن بۆ پرۆسەی بەبانکیکردن لەڕێگەی ئەو بانکانەی لە چوارچێوەی پرۆژەکەدان.