پەیکەری پەنجە هەڵای ناوەتەوە

ئاڤا نیوز

 

دوای ئەوەی ئەمڕۆ سەندیکای هونەرمەندانی عێراق داوای لە دەستەی وەبەرهێنان کرد، پەیکەری پەنجە لە هۆتێلێکی بەغدا لابدەن، هێندەی نەبرد دەستەی وەبەرهێنان وەڵامی سەندیکای دایەوە. 

 

وێنە گەورەکە: دانانی پەیکەرێک لە شێوەی پەنجەی مرۆڤ لە یەکێک لە هۆتێلەکانی بەغدا، لە تۆڕە کۆمەڵایەتییەکان ڕەخنەی زۆری لێگیرا، دەگوترێت ئەم پەیکەرە لەگەڵ ڕابردووی هونەری ئەو شارە یەکناگرێتەوە.

 

بڵاوکراوەی فەرمی: ئەمڕۆ سێشەممە سەندیکای هونەرمەندانی عێراق بە نووسراوێک داوای لە دەستەی وەبەرهێنان کردووە، ئەو پەیکەرە لابدەن کە لە شێوەی پەنجەی مرۆڤە و لە حەوشەی هۆتێل "قلب بغداد"ـی ناوچەی جادریە دانراوە، لە نووسراوەکە هاتووە دانانی ئەو پەیکەرە لە دەرەوەی ڕێنمایی ئەمینداری ئەنجوومەنی وەزیرانە، دانانی هەر پەیکەر و کارێکی هونەری دەبێ بە ئاگاداری سەندیکای هونەرمەندان بێت.

 

لەلایەکی دیکەوە: دەستەی وەبەرهێنان وەڵامی سەندیکای هونەرمەندانی داوەتەوە و دەڵێن، ئەو هۆتێلە مۆڵەتی وەبەرهێنانی هەیە، بەڵام ڕێوشوێنی گونجاو دەگیرێتەبەر بەپێی ئەو یاسایانەی کاری وەبەرهێنانی پێدەکرێت.