ئاڵوگۆڕی بازرگانیی نێوان هەولێر و تاران سێ هێندە زیادی کردووە

ئاڤا نیوز

 

لە چوار ساڵی ڕابردوو، قەبارەی ئاڵوگۆڕی بازرگانیی نێوان هەرێمی کوردستان و کۆماری ئیسلامی ئێران بۆ سەرووی شەش ملیار دۆلار بەرز بووەتەوە.

 

وێنە گەورەکە: ئێران بە دووەم هاوبەشی بازرگانیی هەرێمی کوردستان دادەنرێت لە ڕووی ئاڵوگۆڕی بازرگانییەوە و ڕێژەی بازرگانییەكەیان لە سەرووی 40% ـە.

 

لێدوانی فەرمی: مستەفا شێخ عەبدولڕەحمان، سەرۆکی یەکێتیی هاوردە و ناردنکارانی هەرێمی کوردستان بە ئاڤا نیوزی گوت: "لە ماوەی چوار ساڵی ڕابردوو، قەبارەی ئاڵوگۆڕی بازرگانی لە چوار  ملیار دۆلارەوە بۆ شەش ملیار بەرز بووەتەوە، زۆرینەی کاڵاکان خواردەمەنی، جلوبەرگ، کەرستەی بیناسازی و ئامێری کارەبایین كە لە ئێرانەوە هاوردەی هەرێمی کوردستان دەکرێن".

 

لەلایەکی دیکەوە:  زیاتر لە 350 کۆمپانیای ئێرانی لە پارێزگاکانی هەرێمی کوردستان، سەرقاڵی كار و پڕۆژەی وەبەرهێنانن.

 

ئەوەی پێویستە بیزانیت: زیاتر لە ساڵێكە پارێزگارەكانی هەولێر و سلێمانی و هەڵەبجە لەگەڵ پارێزگارەكانی ورمێ و سنە و كرماشان، ڕێككەوتوون بۆ دۆزینەوەی میكانیزمێك لەسەر هاوكاری زیاتری گەشتیارانی هەردوولا و هەناردە و هاوردەكردنی بەرهەمی هەردوولا بۆ یەكتری.