عێراق ڕێوشوێنی خۆپارێزی بۆ ڕێگری لە بڵاوبوونەوەی ئەنفلۆوەنزای باڵندە دەگرێتەبەر

ئاڤا نیوز

 

وەزارەتی کشتوکاڵی عێراق ڕێوشوێنی خۆپارێزی دەگرێتەبەر بۆ سنووردارکردنی بڵاوبوونەوەی ئەنفلۆوەنزای باڵندە، ڕەتیدەکاتەوە هیچ حاڵەتێکی نوێی تووشبوون تۆمارکرابێت جگە لەو دوو حاڵەتەی کە چەند ڕۆژێک لەمەوبەر دەستنیشان کراون.

 

لێدوانی فەرمی: دکتۆر سامر حەبیب، بەڕێوەبەری گشتیی بەشی ڤێرتێرنەری لە وەزارەتی کشتوکاڵی عێراق ڕایگەیاند: "ڕێوشوێنە خۆپارێزییەکان بریتین لەوەی تیمەکانی ڤێرتێرنەری چاودێری ئەو ناوچانە بکەن کە باڵندە کێوییە کۆچبەرەکانی تێدا کۆدەبێتەوە، بە تایبەت لە ئەهوارەکان، چونکە پەناگەی سەرەکیی باڵندەکان دەریاچە و ڕووبار و ئاوەکانن".

 

زانیاریی زیاتر: پشکنینی کێڵگەکانی پەلەوەر و بازاڕەکانی فرۆشتنی مریشک وەک بەشێکی دیکە لە ڕێکارە پزیشکییەکانی ڤێرتێرنەرین بۆ دڵنیابوونەوە لە بوون و نەبوونی ئەو پەتایە لەڕێگەی کردنی پشکنینی خێرا و ڕشاندنی شوێنەکان و کوتان لە سەرجەم پارێزگاکان.

 

ئەمەش بزانە: ماوەیەک لەمەوبەر تیمەکانی ڤێرتێرنەری یەکەم حاڵەتی تووشبوونیان بە نەخۆشییەکە لە دەریاچەی دووکان لە پارێزگای سلێمانی ڕاگەیاند، دواتر حاڵەتی دیکە لە ناوچەی عەین فرس لە نزیک دەریاچەی سەرسار لە پارێزگای ئەنبار تۆمار کرا.