سعودیە داوای پێنج هەزار تۆن پەتاتەی هەرێمی کوردستانی کردووە

ئاڤا نیوز

 

دوای ئەوەی ساڵی پار سێ هەزار تۆن پەتاتەی هەرێمی کوردستان هەناردەی سعودیە کرا، ئەمساڵ خواستی ئەو وڵاتە لەسەر پەتاتەی جۆری پیشەسازیی هەرێمی کوردستان زیادی کردووە.

 

وێنە گەورەکە: لە کابینەی نۆیەم بایەخێکی زۆر بە کەرتی کشتوکاڵ دراوە، ساڵ دوای ساڵ بەرهەمەکانی ئەو بایەخە زیاتر دەردەکەوێت، ئێستا بەرهەمی پەتاتە لە هەرێمی کوردستان گەیشتووەتە لووتکەی بەرهەمهێنان.

 

لێدوانی فەرمی: هیوا عەلی، گوتەبێژی وەزارەتی کشتوکاڵ بە ئاڤا نیوزی گوت: لەڕێگەی پەیوەندییەکانی کۆنسوڵخانەی سعودیە، وەزارەتی کشتوکاڵی ئەو وڵاتە وەک قۆناغی یەکەم داوای پێنج هەزار تۆن پەتاتەی هەرێمی کوردستانی کردووە، ئەمەش بۆ پیشەسازیی چپس و فینگەرە.

 

زانیاریی زیاتر: بڕیارە ناوەڕاستی هەفتەی داهاتوو، ڕێکارەکانی ناردنی پەتاتە بۆ وڵاتی سعودیە دەست پێ بکات، هەنگاوی یەکەم چەند کۆنتێنەرێک دەڕوات و ڕۆژانی دواتر پرۆسەکە بەردەوام دەبێت.

 

باکگراوند: ساڵی پار هەشت هەزار تۆن پەتاتە هەناردەی سعودیە و ئیمارات کرا و بەرهەمی ناوخۆی هەرێمی کوردستان گەیشتە 150 هەزار تۆن، ئەمساڵ چاوەڕوان دەکرێت ئەو بەرهەمە زۆر زیاتر بێت.