یەکەم حاڵەتی مردن بە جۆرێکی گۆڕاوی ئەنفلۆوەنزای باڵندە تۆمار کرا

ئاڤا نیوز

 

ڕێکخراوی تەندروستیی جیهانی، یەکەم حاڵەتی مردنی لە ئەنجامی تووشبوون بە جۆرێک لە ئەنفلۆوەنزای باڵندە ڕاگەیاند کە لە تاقیگە پشتڕاست کراوەتەوە.

 

ڕاگەیێنراوی فەرمی: بەگوێرەی ڕاگەیێنراوێکی ڕێکخراوەکە، ئەمە یەکەم حاڵەتی تووشبوونی مرۆڤە بە ڤایرۆسی ئەنفلۆوەنزای A (H5N2) کە لە تاقیگەدا پشتڕاست کراوەتەوە لەسەر ئاستی جیهان و یەکەم حاڵەتی تووشبوونە بە ڤایرۆسی باڵندەی (H5) لە کەسێکدا کە لە مەکسیک تۆمارکراوە.

 

زانیاریی زیاتر: ڕێکخراوەکە ئاماژەی بەوە کردووە، ئەو پیاوە تەمەن 59 ساڵە کە لە مەکسیک نیشتەجێیە، لە 24ـی نیسان دوای ئەوەی تووشی تا و هەناسەتەنگی و سکچوون و ماندوێتی بووە، گیانی لەدەستداوە.

 

ئەمەش بزانە: هاوکات ڕێکخراوەکە ئاماژەی بەوەشکردووە، ئەو تووشبووە پێش ئەوەی نیشانە تووندەکانی ئەو نەخۆشییەی لێ دەربکەوێت، بۆ ماوەی سێ هەفتە لە جێگەدا بووە و چەندین نیشانەی دیکەی نەخۆشی هەبووە.