سەرجەم حاجییانی کوردستان و عێراق گەیشتنە سعودیە

ئاڤا نیوز

 

بەمەبەستی بەجێهێنانی فەریزەی حەج، 39 هەزار و 591 هاووڵاتی لە هەرێمی کوردستان و عێراقەوە لەڕێگەی ئاسمانی و وشکانییەوە گەیشتنە سعودیە.

 

ڕاگەیێنراوی فەرمی: شانەی ڕاگەیاندنی ئەمنیی عێراق ڕایگەیاند: یەکە ئەمنییەکانمان جێبەجێکردنی پلانی ڕەوانەکردنی حاجییانیان بۆ خاکی پیرۆز تەواو کرد، کە بەدرێژایی سەدان کیلۆمەتر لەسەر ڕێگەوبان و ناوچە کوێستانییەکان بڵاوببوونەوە.

 

زانیاریی زیاتر: لە ڕۆژی 18ـی ئایار تاوەکو دووی حوزەیران، 20 هەزار و 855 حەجخواز لەڕێگەی وشکانییەوە گەشتی سعودیەیان کردووە. 18 هەزار و 736 حەجخوازی دیکە لەڕێگەی ئاسمانییەوە گەشتی سعودیەیان کردووە. ئێوارەی دوێنێ چوارشەممە 5-6-2024 دوایین کاروانی حاجیان لەڕێگەی ئاسمانییەوە گەیشتە سعودیە.

 

لەلایەکی دیکەوە: شێخ نیاز ڕاغب نەقشبەندی، سەرپەرشتیاری گشتیی پرۆسەی حەج بە ئاڤا نیوزی ڕاگەیاند: سەرجەم حاجییانی کوردستان کە ژمارەیان چوار هەزار و 685 کەس بوون، گەیشتنە شاری مەککە.

 

ئەمەش بزانە: ڕۆژی 27-5-2024 یەکەمین کاروانی حەجخوازان لە هەرێمی کوردستان لەڕێگەی ئاسمانییەوە دەستی پێکرد، ڕۆژی 29-05-2024 دەست بە گشتەکان لەڕێگەی وشکانییەوە کرا.