لێدوانی وەزیری ناوخۆ لەبارەی مووچەی هێزە ئەمنییەکان

ئاڤا نیوز

 

وەزیری ناوخۆی هەرێمی کوردستان دەڵێت، هەنگاوی زۆر جددی بۆ چارەسەرکردنی کێشەی مووچەی هێزە ئەمنییەکانی هەرێمی کوردستان نراوە و لە ئایندەیەکی نزیکدا چارەسەر دەکرێت.

 

وێنە گەورەکە: تاوەکو ئێستا مووچەی مانگی نیسانی هێزە ئەمنییەکانی هەرێمی کوردستان نەنێردراوە، ئەمڕۆش وەزارەتی دارایی عێراق بڕیاری خەرجکردنی مووچەی مانگی ئایاری مووچەخۆرانی دا، بەڵام بەشی هێزە ئەمنییەکانی تێدا نییە کە 352 ملیار دینارە.

 

لێدوانی فەرمی: ڕێبەر ئەحمەد، وەزیری ناوخۆی هەرێمی کوردستان لە کۆنگرەیەکی ڕۆژنامەوانیدا ڕایگەیاند: لە سەردانەکەیدا بۆ بەغدا بابەتی مووچە لە ئەولەویەتی سەرۆکوەزیران بارزانی بووە و لەگەڵ سەرۆکوەزیرانی عێراق و سەرکردە سیاسییەکان گفتوگۆ لەبارەیەوە کراوە.

 

زانیاریی زیاتر: ئەو وەزیرە ئەوەشی گوت، لە ئایندەیەکی نزیکدا ئەم بابەتە بە شێوەیەکی تەواوەتی چارەسەر دەکرێت و مووچەی دامەزراوە ئەمنییەکانیش مانگانە خەرج دەکرێت.