سەرۆککۆماری عێراق: هاوکاری تەواو لەنێوان هەولێر و بەغدا هەیە

ئاڤا نیوز

 

سەرۆککۆماری عێراق پەسنی پەیوەندییەکانی نێوان حکومەتی هەرێمی کوردستان و حکومەتی عێراق دەکات و ئاماژە بەوە دەدات، هاوکاریی تەواو لەنێوان هەردوو حکومەتدا هەیە.

 

بۆچی گرنگە: هەوڵەکانی سەرۆکوەزیران بارزانی بۆ باشترکردنی پەیوەندییەکانی نێوان هەولێر و بەغدا بەردەوامە و بە گرنگییەوەش لەو هەوڵانە دەڕوانرێت.

 
لێدوانی فەرمی: لەتیف ڕەشید، سەرۆککۆماری عێراق لە میانی چاوپێکەوتنێکدا لەگەڵ کەناڵی ڕووسیا تودەی ڕایگەیاند: پەیوەندییەکانی نێوان حکومەتی عێراق و حکومەتی هەرێمی کوردستان "پڕە لە هاوکاری" لەنێوان هەردوو حکومەت.

 

ئەمەش بزانە: لەمیانی سەردانەی ئەم دواییەی سەرۆکوەزیران بارزانی بۆ بەغدا و کۆبوونەوەی لەگەڵ بەرپرسانی باڵای عێراق ڕایگەیاندبوو، "هیوادارم بتوانین هەنگاوی زۆر باشتر بۆ چارەسەرکردنی ئەو کێشانەی هەیە بنێین، لەمەولا تەنیا باس لە کێشەکان نەکەین، بەڵکو باس لە پەیوەندییەکانیشمان بکەین".