هەرێمی کوردستان و عێراق لەسەر لیستی مووچەی هێزە ئەمنییەکان ڕێكدەكەون

ئاڤا نیوز

سەرچاوەیەک لە وەزارەتی دارایی و ئابووری هەرێمی كوردستان ئاشكرای كرد تەنیا 107 ملیار دینار هاتووەتە سەر حسابی وەزارەتەكەیان، هەفتەی داهاتوو ئەوی دیکە ڕەوانە دەکرێت.

وێنە گەورەکە: ماوەی سێ ڕۆژە وەزارەتی دارایی هەرێمی کوردستان، لیستی مووچەی مانگی ئایاری مووچەخۆرانی هەرێمی کوردستانی ڕادەستی وەزارەتی دارایی حکومەتی عێراق کردووە، بەڵام ئەمڕۆ وەزارەتی دارایی عێراق دەستی بە خەرجکردنی مووچە کرد.

لێدوانی فەرمی: سەرچاوەیەک لە وەزارەتی دارایی و ئابووری هەرێمی كوردستان بە ئاڤا نیوزی گوت: 107 ملیار دینار هاتووەتە سەر حسابمان و ڕۆژی یەکشەممە 9-6-2024 بەغدا باقی پارەکەی دیكە ڕەوانە دەکات و مووچەی مانگی چواری هێزە ئەمنییەکانیش ڕەوانە دەکرێت.

زانیاریی زیاتر: مووچەی مانگی هێزە ئەمنییەکان بە لیستێکی جیاوازتر هەولێر و بەغدا لەسەری ڕێکدەکەون، پێشتر هەمووی کۆد بوو، دەبێت ئەمجارە بەشێکی بەناو و بەشێکی کۆد بێت. سەرچاوەكەی وەزارەتی دارایی وای گوت.

ئەوەی پێویستە بیزانیت: ئەم مانگە وەزارەتی دارایی عێراق 611 ملیار دیناری ناردووە، بەڵام دووەم مانگە مووچەی هێزە ئەمنییەکانی کوردستان نانێرێت و ئەمڕۆش وەزارەتی دارایی 352 ملیار دیناری هێزە ئەمنییەکانی نەناردووە.