پێشبینیی بەردەوامبوونی هێرشکردنە سەر چێشتخانە ئەمریکییەکان دەکرێت

ئاڤا نیوز

 

بەگوێرەی ڕاپۆرتێکی چینی، هێرشەکانی سەر چێشتخانە و بڕاندە ئەمریکییەکان لە عێراق بەردەوام دەبێت تا واشنتن هاوکارییەکانی بۆ ئیسرائیل ڕانەگرێت.

 

وێنە گەورەکە: لە چەند ڕۆژی ڕابردوودا لەلایەن کەسانی دەمامکدارەوە بە بۆمب و تەقەمەنی هێرش کرایە سەر چەند چێشتخانەیەکی ئەمریکی لە چەند ناوچەیەکی بەغدا، حکومەتی عێراقیش چەند کەسێکی وەك تۆمەتبار دەستگیر کرد.

 

ڕاگەیێنراوی فەرمی: ئاژانسی "شینخوا"ـی چینی ڕایگەیاند، "تا هاریکارییەکانی ئەمریکا بۆ ئیسرائیل کۆتایی پێنەیەت، هێرشەکانی سەر چێشتخانە ئەمریکییەکان لە بەغدا بەردەوام دەبن".

 

زانیاریی زیاتر: "ئەو هێرشانە کاردانەوەیەکە بەرامبەر سیاسەتی دوو ڕوویی ئەمریکا لە بەرامبەر جەنگی غەززە". ئاژانسە چینییەکە وای بڵاو کردووەتەوە.