شاندێکی عێراق بۆ پرسی مووچەی هێزە ئەمنی و سەربازییەکان لە هەولێرە

ئاڤا نیوز 

 

شاندی دیوانی چاودێریی دارایی عێراق بۆ وردبینی لە لیستی مووچەی هێزە ئەمنی و سەربازییەکان گەیشتە هەولێر و لەگەڵ دیوانی چاودێریی دارایی هەرێمی کوردستان کۆدەبێتەوە. 

 

لێدوانی فەرمی: د.محەممەد زراری، بەڕێوەبەری گشتیی دیوانی چاودێری دارایی هەرێمی کوردستان  بە ئاڤا نیوزی گوت: وردبینی لە لیستی مووچەی مانگی چوار و پێنجی هێزە سەربازییەکان و خەرجی و داهاتی سێ مانگی سەرەتای ئەمساڵی هەرێمی کوردستان دەکەن، لیژنەکە بەخێرایی وردبینی لە لیستی مووچەی هێزە ئەمنی و سەربازییەکان دەکات بۆ ئەوەی بەر لە جەژنی قوربان مووچەکانیان خەرج بکرێت. 

 

ئەوەی پێویستە بیزانیت: بۆ مووچەی مانگی پێنج حكومەتی هەرێمی كوردستان ڕازی بووە بە لیست ناوی هێزی سەربازییەکان بۆ بەغدا بنێرێت، بەڵام هێزە ئەمنی و هەواڵگرییەكان بە كۆد.