چوارەم لیستی فەرمانبەرانی هەرێمی كوردستان ئاڕاستەی TBI كرا

ئاڤا نیوز

وەزارەتی دارایی هەرێمی کوردستان ڕایگەیاند، لەچوارچێوەی پرۆسەی بەبانکیکردن دا چوارەمین لیستی فەرمانبەران ئاڕاستەی بانکی عێراقی بۆ بازرگانی (TBI) کرا.

وێنە گەورەكە: لە چوارچێوەی ڕێککەوتنی نێوان وەزارەتی دارایی هەرێمی کوردستان و بانکی TBI حکومەتی هەرێمی کوردستان بەردەوام دەبێت لە ئامادەکردنی لیست و زانیاریی مووچەخۆران، ئەم بانکەش یەکێکە لەو هەشت بانکەی لە هەژماری من بەشدارن.

 

لێدوانی فەرمی: وەزارەتی دارایی و ئابووری هەرێمی کوردستان ڕایگەیاند: ڕۆژی پێنجشەممە 06-06-2024، لەچوارچێوەی پرۆسەی بەبانکیکردنی مووچەی فەرمانبەرانی هەرێمی کوردستان لە ڕێگای پرۆژەی هەژماری منەوە، بۆ چوارەمین هەفتە لەسەر یەک، وەزارەتی دارایی زانیاریی 539 فەرمانبەری بۆ بانکی  TBI نارد.

ژمارەکان وا دەڵێن: بە ناردنی ئەم لیستەی داتای فەرمانبەران، ژمارەی داتای فەرمانبەرانی نێردراو دەگاتە سێ هەزار و 917  فەرمانبەر، لە نێویشیاندا 368 یان کارتەکانیان بۆ چاپ کراوە و ڕادەستی تیمی هەژماری من کراوە.