عێراق بازرگانێکی بیانیی ماددەی هۆشبەر لەسێدارە دەدات

ئاڤا نیوز

 

عێراق سزای لەسێدارەدانی بۆ حەوت تاوانباری ماددەی هۆشبەر دەرکرد، یەکێکیان بیانییە.

 

وێنە گەورەکە: دادگەی تاوانی ناوەندیی عێراق، سزای سێدارەی بۆ حەوت تاوانباری بازرگانیکردن بە ماددەی هۆشبەر دەرکرد، یەکێک لە بازرگانە سزادراوەکان بیانییە.

 

 لێدوانی فەرمی: پارێزەر هێمن باجەلان، ئەندامی پێشووی کۆمیسیۆنی باڵای مافەکانی مرۆڤ لە عێراق به‌ ئاڤا نیوزی گوت: "ئێمە وەک چالاکوانى مافی مرۆڤ بە پێویستی دەزانین سزای له‌سێداره‌دان سنووردار بکرێت و ته‌نها تاوانە گەورەکان بگرێته‌وه‌، وه‌ك تاوانی تیرۆر بۆ نموونە، یان لانیکەم سزاکە ڕابگیرێت، وەک ئەوەی لە هەرێمی کوردستان هەیە".

 

باکگراوەند: لە سەرەتای ئەمساڵەوە نزیکەی چوار هەزار کەس بەتۆمەتی ماددەی هۆشبەر دەستگیر کراون، لەو ژمارەیە 53ـیان سزای لەسێدارەدانیان بۆ دەرکراوە و 118ـی دیکەشیان زیندانیی هەمیشەیی".