گەشتە ئاسمانییەکانی نێوان شاریقە و بەسرە دەستپێدەکەنەوە

ئاڤا نیوز

 

وەزارەتی گواستنەوەی عێراق، دەستپێکردنەوەی گەشتە ئاسمانییەکانی نێوان فڕۆکەخانەی بەسرە و شاریقە دوای هەشت ساڵ ڕادەگەیێنێت.

 

بۆچی گرنگە: زۆربوونی ژمارەی گەشتە ئاسمانییەکان لەنێوان وڵاتانی دیکە لەگەڵ هەرێمی کوردستان و عێراق هۆکارێکە بۆ زیاتر جوڵەی گەشتیاری و جموجۆڵی بازرگانی و گواستنەوەی ئاسمانی.

 

ڕاگەیێنراوی فەرمی: وەزارەتی گواستنەوەی عێراق ڕایگەیاند: دوای زیاتر لە هەشت ساڵ، فڕۆکەخانەی نێودەوڵەتیی بەسرە پێشوازی لە گەشتەکانی کۆمپانیای عەرەبی بۆ فڕۆکەوانی لە فڕۆکەخانەی شاریقەی نێودەوڵەتی کرد".

 

زانیاریی زیاتر: گەشتە ئاسمانییەکان لە ڕۆژانی دووشەممە، چوارشەممە و هەینی هەموو هەفتەیەک دەکرێن.

 

کاریگەری و لێکەوتەکان: وەزارەتی گواستنەوەی عێراق پێیوایە، دەستپێکردنەوەی گەشتە ئاسمانییەکان دەبێتە پاڵپشتییەکی گەورە بۆ گواستنەوەی ئاسمانی لەنێوان هەردوو وڵات.