عێراق دوو جۆر ڕێکلام لە هونەرمەندان قەدەغە دەکات

ئاڤا نیوز

 

سەندیکای هونەرمەندانی عێراق دەرکەوتنی هونەرمەندان لە ڕیکلامکردن بۆ بەرهەمی پزیشکی و جوانکاری قەدەغە دەکات.

 

وێنە گەورەکە: وەک دەردەکەوێت، بەشێوەیەکی بەربڵاو بەرهەمە پزیشكی و جوانکارییەکان لە تۆڕە کۆمەڵایەتییەکان ڕێکلامیان بۆ دەکرێت، بۆ بەبازاڕکردنی بەشێک لەو بەرهەمانە، هەندێجار هونەرمەندان لە ڕێکلامەکان دەردەکەون.

 

ڕاگەیێنراوی فەرمی: سەندیکای هونەرمەندانی عێراق ئەمڕۆ یەکشەممە لە بڕیارێکدا ئاگاداری هونەرمەندان دەکاتەوە، لەمەودوا هیچ هونەرمەندێک بەبێ ڕەزامەندی وەزارەتی تەندروستی ناتوانێت لە ڕیکلامی بەرهەمی پزیشكی و جوانکاری دەرکەوێت، بە پێچەوانەوە ڕێکاری یاسایی لەبەرامبەر دەگیرێتەبەر.

 

هۆکارە زانراوەکان: سەندیکای هونەرمەندانی عێراق دەڵێت: لەژێر ڕۆشنایی نووسراوێکی سەندیکای دەرمانسازان ئەو بڕیارەیان داوە، ئەمەش لەپێناو تەندروستیی هاوڵاتییان و تەندروستیی گشتی ئەو بڕیارە دراوە.