لە عێراق مووچەی خانەنشینی کرێکارانی بیمەکراو زیاد دەکرێت

ئاڤا نیوز 

ئەنجوومەنی وەزیرانی عێراق، بڕیاریدا بە بڕی 150 هەزار دینار مووچەی خانەنشینی کرێکارانی بیمەکراو زیاد بکات.

ئەوەی پێویستە بیزانیت: ئەمڕۆ دووشەممە، ئەنجوومەنی وەزیرانی عێراق بە سەرۆکایەتیی محەممەد شیاع سوودانی، سەرۆکوەزیرانی عێراق کۆبووەوە و چەند بڕیارێکی دا و لەوانەش زیادکردنی مووچەی خانەنشینی کرێکارانی بیمەکراو.

ڕاگەیێنراوی فەرمی: ئەحمەد ئەلئەسەدی، وەزیری کار و کاروباری کۆمەڵایەتی ڕایگەیاند:مووچەی خانەنشینی کرێکارانی بیمەکراو زیاد دەکرێت و زیادکردنەکەش لە 87 هەزار دینار دەستپێدەکات تا 150 هەزار دینار و بەمشێوەیە کەمترین مووچە کە 350 هەزارە دەبێتە 500 هەزار دینار.

زانیاریی زیاتر: بڕیارەکە ئەوانە دەگرێتەوە کە مووچەکانیان کەمتر بێت لە 700 هەزار دینار و هەروەها کرێکارانی خزمەتگوزاری و خاوەن پێداویستیی تایبەتیش.