عێراق هەشت هەزار بیانی دیپۆرت دەکاتەوە

ئاڤا نیوز

 

وەزارەتی نێوخۆی عێراق لە ماوەی پێنج مانگی سەرەتای ئەمساڵدا، نزیکەی هەشت هەزار بیانی دیپۆرت کردووەتەوە.

 

وێنە گەورەکە: لە سەرەتای 2024، وەزارەتی کاری عێراق ژمارەیەک ڕێکاری نوێی بۆ ڕێکخستنی دۆسێی کرێکارانی بیانی گرتەبەر.

 

لێدوانی فەرمی: "لە سەرەتای ئەمساڵەوە هەشت هەزار کەسی بیانی، بەهۆی سەرپێچیکردنی مەرجەکانی مانەوە و نشینگە، دیپۆرتی وڵاتانی خۆیان کراونەتەوە". میقداد میری، وتەبێژی وەزارەتی نێوخۆی عێراق وا دەڵێت.

 

ئەوەی پێویستە بیزانیت: 11 هەزار و 658 کەسی بیانی لە عێراق نیشتەجێن، سەرووی یەک ملیۆن کرێکاری بیانیش لەو وڵاتە کار دەکەن، بەڵام تەنیا 71 هەزار کرێکار مۆڵەتی کارکردنیان بەشێوەیەکی یاسایی هەیە.