لە عێراق ڕۆژانە تووندوتیژی بەرامبەر 45 کەس دەکرێت

ئاڤا نیوز

لە سێ ساڵی ڕابردوودا 50 هەزار تووندوتیژیی خێزانی تۆمارکراون و زۆربەشیان بەرامبەر ژنان و منداڵان بووە .

 

لێداونی فەرمی: فازڵ غەراوی، سەرۆکی سەنتەری ستراتیژیی مافەکانی مرۆڤ دەڵێت: "لە ساڵی 2022 دا نزیکەی 21 هەزار تووندوتیژیی خێزانی تۆمارکراون، ژمارەکە ساڵی ڕابردوو 15 هەزار و ئەمساڵیش 14 هەزار بووە".

 

زانیاریی زیاتر: بەگوتەی غەراوی ژمارەی ئەو تووندوتیژیانەی تۆمارکراون ڕاستەقینە نین، چونکە زۆربەی قوربانییان بەهۆی ترس یان عورفی کۆمەڵایەتی ناتوانن سكاڵا بکەن، ڕەنگە ژمارەکەیان بگاتە سەدان هەزار لە ماوەی ئەو سێ ساڵەدا. 

 

هۆکارە زانراوەکان: زۆربەی حاڵەتەکان بەهۆی زۆربوونی پێداویستییەکانی ژیان، کەمی دەرفەت، فشاری دەروونی، کەمی هۆشیاریی خێزانی، کاریگەریی نەرێنیی سۆشیاڵ میدیا، ماددەی هۆشبەر و لاوازیی سیستمی یاسایی ئەو وڵاتەیە.

 

ژمارەکان وادەڵێن: بەگوێرەی لێدوانی غەراوی ڕۆژانە لە عێراق نزیکەی 45 کەس ڕووبەڕووی تووندوتیژی بوونەتەوە، واتا لە هەر کاتژمێرێکدا نزیکەی 2 کەس تووندوتیژیان بەرامبەر کراوە.