لویس ساکۆ بوو بە پاتریارکی کلدانەکانی عێراق و جیهان

ئاڤا نیوز

 

محەممەد شیاع سوودانی، سەرۆکوەزیرانی عێراق فەرمانی دەستنیشانکردنی کاردیناڵ لویس ساکۆی وەک پاتریارکی کلدانەکانی عێراق و جیهان ده‌ركرد.

 

وێنە گەورەکە: ئێوارەی ئەمڕۆ له‌ به‌غدا، فەرمانی ده‌ستبه‌كاربوونی کاردیناڵ لویس ڕافائیل ساکۆ وەک پاتریارکی کلدانەکانى عێراق و جیهان له‌لایه‌ن حازم وەتەن، ڕاوێژکاری سوودانیه‌وه‌ ڕاگەیێنرا.

 

هۆكاره‌ زانراوه‌كان: فه‌رمانه‌كه‌ی سوودانی ئاماژە به‌ بڕیاری دادگەی پێداچوونه‌وه‌ی فیدراڵیی ڕەسافه‌ ده‌كات کە بەرپرسیارێتیی ئەوقافى پاتریارکی کەنیسەی کلدانی به‌ کاردیناڵ لویس ساکۆ سپاردووە.

 

زانیاریی زیاتر: ڕۆژی هەشتی تەممووزی ساڵی ڕابردوو، لەتیف ڕەشید، سەرۆککۆماری عێراق فەرمانی هەڵوەشاندنەوەی بڕیاری کۆماریی ژمارە147ـی ساڵی 2013ـی دەرکرد كه‌ كاردینال لویس ساکۆی وه‌ك پاتریارکی کلدانییەکانی عێراق و جیهان ده‌سنیشان كردبوو.

 

ئه‌وه‌ی پێویسته‌ بیزانیت: پاش فه‌رمانه‌كه‌ی سەرۆککۆماری عێراق، کاردیناڵ لویس ساکۆ، بڕیاریدا بارەگاكه‌ی له‌ بەغدا بگوازێته‌وه‌ بۆ شاری هەولێر و پێشوازییەکی گەرمی لێکرا.