کۆمپانیایەکی کوردستان ئینتەرنێت بۆ تەواوی عێراق دابین دەکات

ئاڤا نیوز 

 

حکومەتی عێراق بە نیازە لە ڕێگەی کۆمپانیای FTTH هێڵی ئینتەرنێت بگەیێنێتە سەرجەم پارێزگاکانی باشوور و ناوەڕاست. 

 

ڕاگەیێنراوی فەرمی: هیام یاسری، وەزیری پەیوەندییەکانی عێراق ڕایگەیاند، لە چەند ڕۆژی داهاتوودا لە ڕێگەی کێبڵی تیشکی کۆمپانیای FTTH وە خزمەتگوزاری هێڵی ئینتەرنێت دەگەیێنرێتە هەر یەک لە پارێزگاکانی بەغدا، دیوانیە، دیالە، بەسرە، زی قار و کەرکوک. 

 

لەلایەکی دیکەوە: ئانۆ جەوهەر وەزیری گواستنەوە و گەیاندنی هەرێمی کوردستان ڕایگەیاند، پڕۆژەی گەیاندنی هێڵی ئینتەرنێت بە ماڵان لە ڕێگەی خزمەتگوزاری کێبڵی تیشکی (FTTH) گەیێنراوەتە زیاتر لە 400 هەزار ماڵ.

 

ئەوەی پێویستە بیزانیت: کۆمپانیای FTTH کۆمپانیایەکی کوردییە و لە لایەن ئۆ تێلیکۆمەوە خاوەندارییەتی دەکرێت. 

 

باكگراوند: لە مانگی شوباتی 2021 پرۆژەی ئینتەرنێتی نیشتمانی، یەکەم خزمەتگوزاری ئینتەرنێتی لە ڕێگەی کێبڵی تیشکی ‌ (FTTH) له‌ هەریەک لە گەڕەکەکانی زه‌ییونه‌ی شاری به‌غدا و حه‌یده‌ریه‌ی سه‌ماوه‌ وه‌ک تاقیكرنه‌وه‌یه‌كی ئه‌زموونی دەستیپێکردووە.