عێراق بووەتە گۆڕەپانی بازرگانانی ماددەی هۆشبەر و کارتێکەرە دەروونییەکان

ئاڤا نیوز

 

کریستال بەربڵاوترین ماددەی هۆشبەرە لە عێراق، بەشێوەیەک زیاتر لە سێ چارەگی بەکارهێنەری ماددە هۆشبەرەکان ئەو جۆرە بەکاردەهێنن.

 

وێنە گەورەکە: عێراق بووەتە گۆڕەپانی بازرگانانی ماددەی هۆشبەر و کارتێکەرە دەروونییەکان، چەندین تۆڕی ناوخۆیی و نێودەوڵەتی کاری کڕین و فرۆشتن بەو ماددانە دەکەن.

 

ڕاگەیێنراوی فەرمی: حوسێن تەمیمی، بەرپرسی ڕاگەیاندنی بەڕێوەبەرایەتیی نەهێشتنی ماددە هۆشبەرەکان ڕایگەیاند، "لە عێراق 73.3%ـی بەکارهێنەرانی ماددەی هۆشبەر کریستال بەکاردەهێنن؛ حەبی کپتاگۆن بە ڕێژەی 34.35% بەکاردەهێنرێت و جۆرەکانی دیکەش بە ڕێژەی 28.35%".

 

لەلایەکی دیکەوە: ڕۆژی سێشەممە وەزارەتی ناوخۆی عێراق ڕایگەیاند، لە سەرەتای ئەمساڵەوە دەستیان بەسەر زیاتر لە تۆنێک ماددەی هۆشبەر و نزیکەی 10 تۆن ماددەکانی کارتێکەرە دەروونییەکاندا گرتووە.