سەمای دوو ئەکتەری بەناوبانگی ئێرانی هەرا دەنێتەوە

ئاڤا نیوز

 

لە درامایەکی ئێرانیدا، دوو ئەکتەری بەناوبانگ پێکەوە سەما دەکەن و ئەمەش دەبێتە جێی باسی بینەران و بەرپرسانی ئەو وڵاتە.

 

ئەوەی پێویستە بیزانیت: لە ئەڵقەی سێیەمی درامای 'لە کۆتایی شەو'، دیمەنی سەمای دایک و کوڕێک نمایش دەکرێت، کە ئەمە وادەکات ناوەندی ساترا (ڕێکخستنی میدیا لە دیجیتاڵ میدیا) هەڵوێستی هەبێت و ئەو بەشەی دراماکە سانسۆر بکات.

 

ئەمەش بزانە: ئایدا پەناهەندە، دەرهێنەری دراماکەیە و پارسا پیروزفەر لە ڕۆڵی کوڕ و ئێحترام برومەند، ڕۆڵی دایک دەگێڕێت کە تووشی بیرچوونەوە بووە. لەم دیمەنە هەردووکیان وەک کوڕ و دایک کاتێکی خۆش بەسەر دەبەن و دەست بە سەمای 'والتس دانس' دەکەن.

 

زانیاریی زیاتر: لە وڵاتی ئێران، دەسەڵات ئیسلامییە و هەر ئەمەش وای کردووە کە هەردوو وەزارەتی ئیرشاد و دەنگ و ڕەنگی ئێران، زۆرترین سانسۆر لەسەر بەرهەمە ناوخۆیی و دەرەکییەکان دابنێن و بەرهەمە هونەری و سینەماییەکان بە فیلتەرێکی توندا تێپەڕێنن و پاشان نمایش بکرێن.