چەند پەرلەمانتارێک دوای جیابوونەوەیان جارێکی دیکە دەگەڕێنەوە ڕیزی تەقەدووم

ئاڤا نیوز

 

بەشێک لەو پەرلەمانتارانەی ساڵی ڕابردوو لە تەقەدووم جیابوونەوە، جارێکی دیکە گەڕانەوە نێو ڕیزەکانی پارتەکە.

 

چیرۆکی سەرەکی: بەهۆی ناکۆکییان لەگەڵ محەممەد حەلبووسی ـ سەرۆکی تەقەدووم، لە ساڵی 2023 چوار پەرلەمانتاری پارتەکە جیا بوونەوە، بەڵام دووانیان بە فەرمی گەڕانەوە نێو پارتەکە.

 

ڕاگەیێنراوی فەرمی: فەلاح زێدان، پەرلەمانتار و سەرۆکی پارتی تەجدید، گەڕانەوەی خۆی و یوسف سیباعی، بۆ ڕیزەکانی پارتی تەقەدووم ڕاگەیاند.

 

زانیاریی زیاتر: مەروان زێدان کە برای فەلاح زێدانە و ئەندامی ئەنجوومەنی پارێزگای موسڵە، لەگەڵ براکەی و یوسف سیباعی، چوونە نێو ڕیزی پارتەکەی حەلبووسی.

 

ئەوەی پێویستە بیزانیت: هەفتەی ڕابردوو، 11 پەرلەمانتار و ئەندامی ئه‌نجومه‌نی پارێزگاکان، له‌ پارته‌که‌ی حه‌لبووسی جیابوونەوە و 'هاوپەیمانیی موبادەرە'یان دامەزراند.