عێراق پێویستی بە سێ ملیۆن یەکەی نیشتەجێبوون هەیە

ئاڤا نیوز

 

وەزارەتی پلاندانی عێراق ئاشکرای دەکات، بۆ کەمکردنەوەی قەیرانی کەمیی یەکەی نیشتەجێبوون عێراق پێویستی بە دروستکردنی سێ ملیۆن یەکەی نیشتەجێبوون هەیە.

 

وێنە گەورەکە: ژمارەی دانیشتووانی عێراق 43 ملیۆن کەسی تێپەڕاندووە؛ خواستی هاووڵاتیان بۆ یەکەی نیشتەجێبوون زیاتر بووە و حکومەتی عێراق هەوڵدەدات کۆمەڵگەی نیشتەجێبوونی نوێیان بۆ دابین بکات. 

 

لێدوانی فەرمی: عەبدولزەهرە هینداوی، گوتەبێژی وەزارەتی پلاندانانی عێراق بە ئاڤا نیوزی ڕاگەیاند، "لە ماوەی داهاتوودا، 700 هەزار بۆ ملیۆنێک یەکەی نیشتەجێبوون لە سەجەم پارێزگاکان دروست دەکەین".

 

زانیاریی زیاتر: سەدا 15 بۆ 20ـی ئەو یەکە نیشتەجێبوونیانەی دروست دەکرێن بۆ حکومەتە تاوەکو بەسەر کەمدەرامەت دابەش بکرێن.