سەرۆککۆماری عێراق یاسای دەزگای ئاسایشی نیشتمانی پەسند دەکات

ئاڤا نیوز

 

دوای دەنگدان و پەسندکردنی لەلایەن پەرلەمانی عێراقەوە، سەرۆککۆماری عێراق یاسای دەزگای ئاسایشی نیشتمانی پەسند کرد.

 

ڕاگەیێنراوی فەرمی: سەرۆکایەتیی کۆماری عێراق ڕایگەیاند، لەتیف ڕەشید، سەرۆککۆماری عێراق واژۆی لەسەر یاسای دەزگای ئاسایشی نیشتمانیی عێراقی کرد و پەسندی کرد.

 

زانیاریی زیاتر: لە ڕۆژی نۆی مانگی ڕابردوو، پەرلەمانی عێراق دەنگی لەسەر یاسای دەزگای ئاسایشی نیشتمانیی عێراقی دا.

 

ئەوەی پێویستە بیزانیت: دوای پەسندکردنی یاساکە لەلایەن سەرۆککۆمارەوە، لە ڕۆژنامەی وەقائیعی عێراقی بڵاو دەکرێتەوە و لەو ڕۆژەوە دەکەوێتە بواری جێبەجێکردن.