ئیمارات دوو ملیۆن بەرمیل نەوت لە عێراق هاوردە دەکات

ئاڤا نیوز

 

لە ماوەی دوو مانگی ڕابردوودا، ئیمارات دوو ملیۆن بەرمیل نەوتی لە عێراقی هاوردە کردووە، دوای پاڵاوتنی هەناردەی وڵاتانی دیکەی دەکاتەوە.

 

وێنە گەورەکە: ئیمارات بەشێک لە پاڵاوگەکانی نوێ کردووەتەوە و بەمەش توانای پاڵاوتنی نەوتی زیاتر بووە، نەوتی خاو لە عێراق و سعودیە و چەند وڵاتی دیکە هاوردە دەکات و دەیانپاڵێوێت، دواتر لە بازاڕی جیهانی بە نرخێکی زیاتر دەیانفرۆشێتەوە.

 

ڕاگەیێنراوی فەرمی: ڕاپۆرتێکی ئاژانسی بلومبێرگی ئەمریکی بڵاوی کردووە، لە مانگی نیسان و ئایاری ئەمساڵ کۆمپانیای "ئەبو زەبی بۆ پیترۆل" دوو ملیۆن بەرمیل نەوتی خاوی لە کێڵگەیەکی بەسرە لە عێراق هاوردە کردووە.

 

زانیاریی زیاتر: ئیمارات لەڕێگەی کەشتی دەریایی و بە دوو بار لە دوو مانگی ڕابردوو، ئەو بڕە نەوتەی لە عێراق هاوردە کردووە.

 

ئەوەی پێویستە بیزانیت: ئیمارات ئەندامە لە ڕێکخراوی دەوڵەتانی هاوردەکاری نەوت (ئۆپێک پڵەس) و مانگانە زیاتر لە سێ ملیۆن بەرمیل نەوت بەرهەم دەهێنێت.