چۆمسکی لە تەمەنی 95 ساڵیدا تەندروستی تێکدەچێت

ئاڤا نیوز

فەیلەسووف، زمانزان، چالاکوانی دژە شەڕ و ڕەخنەگری دیاری ئەمریکی نوام چۆمسکی، تووشی جەڵتە دەبێت و لە نەخۆشخانەیەکی بەرازیل دەخەوێنرێت.

چیرۆكی سەرەكی: لە حوزەیرانی ساڵی ڕابردووەوە، باری تەندروستیی چۆمسکی تێکچووە و بۆ وەرگرتنی چارەسەر لە نەخۆشخانەیەکی بەرازیل، کە وڵاتی هاوژینەکەیەتی، چارەسەر وەردەگرێت.

 
ئەوەی پێویستە بیزانیت: ڕۆژنامەی فۆلها دیساو پاولۆ-ی بەرازیل بڵاویكردووەتەوە: بەشی ڕاستی جەستەی چۆمسکی بێهەست بووە و کێشەی گەورەی لە قسەکردن هەیە، هەر لەبەر ئەمەشە نەیتوانیوە لێدوان لەسەر شەڕی غەززە بدات. ئەو تەنیا بە ئاماژە نیگەرانی و دژایەتیی خۆی بۆ شەڕی غەززە دەربڕیوە، کاتێک کە وێنەکانی غەززەیان پیشان داوە. 

باكگراوند: چۆمسکی، تەمەن 95 ساڵ لە ساڵی 2015ـەوە لە ساوپاوڵۆی بەرازیل دەژی، ئەو ڕەخنەگرێکی دیاری سیاسەتی دەرەوەی ئەمریکا و سەرمایەدارییە، هەروەها لە چەندین بۆنەدا پشتیوانیی بۆ ڕەوایەتیی دۆزی کورد دەربڕیوە.

زانیاریی زیاتر: چۆمسكی خاوەنی زیاتر لە 150 پەرتووكە و زۆرترینی لە بواری زمانەوانی و سیاسەتە.